EDITORYAL - Sigihon ang kampanya vs. pirated CDs

Matud pa sa taho kapin sa usa ka gatos ka mga compact disc ang nasakmit sa mga elemento sa Optical Media Board, Music and Television Regulatory Board ug kapolisan niadtong miaging Biyernes.

Tipik ra kini sa kinatibuk-ang pirated CDs ug DVDs nga anaa gibaligya karon sa mga sidewalk ug aseras sa siyudad sa Sugbo.

Tingali mamenos-menosan ang gidaghanon sa mga pirated CDs ug DVDs kun dili lagyo ang distansya sa pagpahigayon sa pagpangronda ug panakmit sa mga sakop sa OMB, MTRCB ug kapolisan.

Sa pagkakaron, matud pa sa usa ka tigpaniid, "kun ganahan lang maoy paghimo sa pagronda."

"Kun sigi-sigihan tingali ang pagpangronda, mga genuine kun legal lang nga mga CDs ug DVDs ang mabilin sa mga aseras," puno pa niining maong tigpaniid, usa ka retiradong kapitan sa militar.