Ang target
Gibansay sa usa ka magtutudlo ang duha niya ka mga estudyante diha sa pagpamana. Ang unang estudyante nga nagpunting na sa iyang pana sa target ang gipangutana sa iyang magtutudlo: "Unsa may imong nakita?" siya mitubag: Ang panganod, mga tanom ug ang target nga akong panaon." Ang magtutudlo miingon: "Ayaw sa pagtira dili ka pa andam." Ang ikaduhang estudyante gipangutana sa mao lang gihapong pangutana. Ug kini mitubag: "Bugtong nakita nako ang target." Ang magtutudlo nimando. "Hala tira!"
Mahinungdanon kaayo sa kinabuhi ug sa pagkab-ot sa atong mga tinguha mao ang atong tumong kon target. Wad-a ang imong tumong ug masinati mo ang kakatag, kagubot ug kawalay kapaingnan sa kinabuhi.