Laing impeachment vs. Arroyo

Ang oposisyon sa Kamara Baha nagplano nasad sa paglusad og bag-ong impeachment process batok ni Presidente Arroyo.

Masaligon si Minority Leader Francis Escudero nga mosalir ning higayona ang ilang tinguha sa pagpalagpot sa Presidente.

Matud ni Escudero ang tulo ka bag-ong desisyon sa Korte Suprema diin gibasura ang duha ka executive order ni Mrs. Arroyo apan gi-absuwelto si Arroyo sa Proclamation 1017 maoy ilang gamiton sa pagsuporta sa bag-ong impeachment process nga ilang giplanohan karon.

Wala may makapugong sa oposisyon sa ilang pagbuhi sa impeachment process batok sa Presidente. Ila kanang katungod.

Apan daghan ang nangutana kon wala na ba gyuy laing mahimo ang oposisyon alang sa kaayohan sa nasud? Dili ba kuno maayo kun gamiton sa oposisyon sa laing mga kalihukan -- alang gihapon sa nasud -- ang ilang panahon?

Duha ka magbabasa ning mantalaan nagkanayon nga "pul-an" na sila niining "impits-impits" nga talyada sa oposisyon batok ni Arroyo.