Kapansanan sa pandinig

MAY mga ipinanganak na bulag,bingi, pipi, kuba, bansot at iba pang kapansanan. Maging anuman, sila’y mga tao, may dugo at laman, at may karapatan ding mabuhay sa mundo.

Sa mga may kapansanan sa pandinig malaki ang pag-asa nilang mabuhay gaya ng mga pangkaraniwang tao. May pagkakataon nga na bagama’t may kakulangan sila ay mas matagumpay pa sila kumpara sa mga nawalan ng pagpapahalaga sa sarili at tamad na maging progresibo.

Ayon sa dalubhasang hearing aid specialist na si Dr. Eduardo Go mas pinag-iibayo ngayon ang health care technology para sa mga may diperensiya sa pandinig, binigyan-diin ni Dr. Go na huwag na huwag tawagin ang mga may hearing defects na bingi. Mas approved kay Dr. Go na tawagin silang HOH na ang ibig sabihin ay may mga taong may Hard of Hearing na madali naming malaman gaya ng mga batang may hearing impairment na may mahiyain at meron namang overly active, nakakapag-isip na tulad ng ordinaryong bata pero nakatingin lamang at masusing minamatyagan ang pagbuka ng bibig na inaalam ang gustong sabihin o mensahe.

Ayon kay Dr. Go, makabubuting kausapin ang mga magulang ng bata para higit na malaman ang depekto at ang kanilang pangangailangan.