Pakigkukabildo

Usa ka propesor sa usa ka kolehiyo ang giduol sa usa ka estudyante og giingnan." Ang pakigkukabildo kinahanglanon kaayo sa akong umaabot nga propesyon apan kining atong kolehiyo wala gyud tawon motanyag og mga kurso nga naghisgot mahitungod niini. Unsay angayan nakong buhaton aron maantigo ako diha sa pakigkukabildo?" Ang propesor mitubag: "Maayong pangutana! Kon maminaw ka lang karon ako kang suginlan kon unsaon." Tuod man, naminaw ang maong estudyante. Paglabay sa pipila ka mga gutlo sa pagpaminaw ang estudyante miingon: "Bitaw, naminaw naman ko." Ang propesor mitubag: "Tan-awa, dili ba nakakat-on kana?"

Pamalandong

Bililhon kaayo ang pagpaminaw sa matag higayon nga ikaw makigsulti o makigkukabildo ni bisan kinsa. Ang pagpaminaw mahitabo lamang kon ikaw mohilom. Matud pa bitaw sa anagram sa akong propesor: "You can't listen if you cannot be silent!"