Asean meet ug ang megadome

Samtang usa ka dakung dungog alang kanatong mga Sugbuanon nga anhi sa ato ang sunod nga ASEAN meet, di sad maayo nga mo-over react ta, mogasto og daku kaayo, ug ipadaplin ang ubang mga concern nga makahatag og direct benefit sa mga Sugbuanon mismo.

Ang ASEAN meet lumalabay lang. Temporaryo gyud kaayo. Samtang atong himoon ang labing excellent nga pag-abi-abi sa mga langyaw'ng bisita, di nato wad-on ang lasting ug long range nga epekto niini.

After the meet, unsa man? Kanus-a man makabawi ang megadome? Di kaha ni mahimong white elephant tapus sa meet? Maayo unta to, nga samtang di pa maka-earn og revenue ang megadome, taplan lang una sa gobiyerno ang operational cost sa megadome, pinaagi sa pag-deduct sa mga sweldo sa mga mayor, bise mayor, mga konsehal sa mga dakbayan sa Sugbo.

Ug nganong megadome man gyud? Kon waay megadome, di ba mahinayon ang meet? I can imagine nga tapus sa meet, maputos gyud ta sa daghang utang. Unta, ang atong igasto sa megadome, gastuon lang ni sa ubang mga panginahanglan aron magmalampuson ang maong meet.

Daghan kaayo tang mahimo sa maong salapi nga igahin alang sa megadome. Daghan kaayong kakulangan ang serbisyo publiko. Kinahanglan nga dili kini ma-ignored sa atong gobiyerno.