EDITORYAL – Sugyot nga angay'ng suwayan

Headline kon ulohan sa usa ka estorya sa usa ka nasudnong pamantalaan nagkanayon: "Juvenile Delinquency on the Rise."

Misaka kuno ang gidaghanon sa mga batan-ong salawayon sa atong katilingban.

Dili ikalalis nga ang atong kagamhanan mihimo na sa tanang possible measures kon mga medyos posibles alang sa pagsulbad sa nagkataas nga gidaghanon sa mga juvenile delinquents sa nasud.

Apan walay maayong resulta nga nakab-ot. Anaa gihapon ang mga badlongong kabatan-onan sa kadalanan ug sa ubang dapit diin ilang ipakita ang ilang binuang nga buhat.

Daghan na ang misugyot nga ibalik sa pagtudlo sa atong mga eskuwelahan, ilabina sa public schools, ang "Good Manners and Right Conduct," subject nga gitudlo kaniadto ngadto sa atong kabataan sa mga tulonghaan.

Matud pa sa mga tigsugyot, ang "Good Manners and Right Conduct" maoy hinungdan nganong mga buotan ang atong kabatan-onan kaniadto kay sa karon.

Nganong di ta man suwayan kining maong sugyot?