Gipaapil lang unta

Adunay ordinansahon diin gilagda nga silotan kadtong mga drayber sa taxi nga dili mopasakay og pasahero ug dili sab mogamit sa ilang meter.

Sa maong ordinansahon, ang mga operator sa taxi kang kansang mga drayber mihimo sa salaud misupak nga iapil sila sa silot.

Wa man gud kuno silay kalibutan sa paghimo sa salaud sa ilang drayber.

Mireklamo usab ang mga operator nga wala sila paapila sa public hearing nga gipahigayon kalabot sa gihisgotang ordinansahon.

Ang mga mireklamong operator sakop sa Metro Cebu Taxi Operators Association ubos ni Richard Cabucos, presidente.

Kun gipaapil pa lang unta ang mga operator ubos sa CTOA sa public hearing, wala na untay kasamok nga nahitabo ug maplantsa na ang maong ordinansahon padung sa pag-aprobar niini.