What economic gains?

Mao kini ang pangutana ni kanhi Presidente Fidel Ramos, sa usa ka press conference didto sa NAIA, sa dayon na niyang larga paingon sa Bangkok alang sa usa ka international conference.

Atong masabot nga waa siya motuo sa gipasibantog nga economic gains, kay matud niya: "It is not economic productivity, it is not even good governance that is maintaining the economy. It is the 10 billion plus US dollars remittances over the last four quarters that has saved the Philippine economy."

Sa ato pa, ang atong mga overseas workers, pinaagi sa ilang mga remittances nganhi sa atong nasud, mao karoy nagbuhi sa atong ekonomiya, dili ang giingon nga mga economic reforms, dili ang matarong nga pagpangagamhanan sa present administration.

Ang pagsaka sa balor sa Peso waa ma-felt sa mga yanong Pinoy, kondili, sila lamang mga maayo nang pagkabutang maoy nakapahimos niini.

Ang tinuod nga kahimtang sa Pilipinas, matud niya, atong mabasa sa United Nations Human Development Report, diin matud ni Ramos: "I was there when that report came out because I am the honorary president of the Human Development Network in the Philippines which provides data to the entire UN, including the United Nations Development Program (UNDP)."

Hain man mahimutang ang Pilipinas sa maong report? "We are No. 84 in the roster of 192 countries of the UN," tubag ni Ramos. Ug unsa man nga nasud ang ika-83, ang labaw natog usa ka gut? Tubag: "Western Samoa a small Pacific island barely surviving out there in the Pacific Ocean. We have been overtaken by many countries who have been considered as basket cases a mere ten years ago."

Mao kini ang tinuod nga hulagway sa atong nasud. Poor kaayo ang atong economic performance. Sumaa, Dro, kumosta ka man?