Hinumduman nga sa dihang gi-kwestiyon sa katawhan ang legitimacy sa pagka-presidente ni Marcos, ug at the instance sa America, napugos si Marcos pagpili pag-usab pinaagi sa snap election.
Karon, gumikan sa pagka-kwestionable sa miaging eleksyon, gisugyot nga mag-snap election, aron once and for all matubag ang mga pangutana kon tinuod ba gyud nga waa tikasa ang miaging eleksyon.Kay kon si Garci lang ug ang Comelec ang moingon nga limpiyo ang miaging eleksiyon, medyo kadudahan, di ba, Dro?
So, snap election ang sulbad. Mosugot kaha sila niini, Dro, sama kang Marcos?
Anyway, giingon nga nangandam na kono ang kampo ni Mar Roxas alang ning maong kahigayonan.
Gani, matud pa, pag-resign ni Susan "Toots" Ople pagka-undersecretary, gikuha dayon siya isip sakop sa Senate staff ni Roxas.
Si Toots, talented nga anak ni Senador Blas Ople, ug mi-resign siya tungod kay waa mahiuyon kini karong charter change nga gipasiugdahan sa Malacañang sa gibarugan sa iyang amahan.
Si Ople usa sa 50 ka sakop sa Constitutional Commission nga nag-draft sa 1987 Constitution. Ug si Toots di makadawat sa karon nga pamaagi pag-usab sa present constitution. Sa ato pa, may prinsipyo, may baruganan. Di pareha sa uban nga yak-an lang ang mga prinsipyo in exchange for some favors nga gitingal kanila.
Anyway, full blast na kono ang Mar Roxas for President Movement, kini sumaa pa sa mga lider ni Roxas sa Ilocos. Huwat lang ta, Dro, for further development. Sa komiks pa, abangan ang kasunod. Mokalit lang ni.