Kon gigamyan mo sa suweldo, resign

Mora mag mag-eleksiyon gyud ta sunod tuig. Ug daghan na sab unya ang modagan, mag-inilogay sa nagkalainlaing elective posts sa gobiyerno.

Daku ang akong katingala ngano nga mag-inilogay ni sila nga gamay ra mag sweldo ning nagtrabaho sa gobiyerno, itandi sa mga pribadong kompaniya, ilabina sa mga dagkung patigayon.

Karon, atong mga konsehal, gigamyan sa ilang mga sweldo, hinungdan nga nangayo silag increase, taliwaa sa atong kalisod karon, ug bisan pa nga gipagamit silag brand new nga mga sakyanan, libre ang gasolina, libre ang oil, ug libre ang maintenance. Ug dugang niini, ila pa gyung gipatint aron di makita kinsay nagsakay sa mga sakyanan nga dili ila. Unya, ang mga allowances pa!

Dugang sweldo? Ngano man? Unsa bay tagsatagsa nila ka performance? Unsa may ilang nahimo nga direktamente nakahatag og kaayohan ni Pedro ug ni Juan?

Gamay ang sweldo? Ngano man diay, naa mo diha aron ibuhi sa inyong pamilya? Di ba diay, pag-alagad ang inyong tuyo diha? Nganong kuwang man ang inyong mga sweldo nga duna man moy laing mga income sa gawas? Sa ato pa, dili kay sweldo ra sa pagka-konsehal ang inyong gisaligan.

Yuna pa, hai may maayo, Mr. Councilor, nga unahon natog increase ang sweldo sa mga janitor, mga garbage collector, ug mga metro aide? Sa rank and file ba! Ug kamo? Sakripisyo, baby. Monay tinuod nga public servant, dili kay kamo na hinuoy mag-public master.

Total mag-eleksiyon na man pod, ug kon gigamyan mo sa inyong sweldo karon, ayaw namog pasubli. Don't run again, ug kami na sad diha! Sige lang inyo? Kamo ray kamaong mo-public servant?

Panahon sa kampanya, di gyud mo mohisgot og sweldo, kay una sa tanan, alagad sa lungsod maoy nag-aghat kaninyo pagpalansar! Gihigugma ninyo ang mga kabus, apan karon, unahon ninyo pag-increase ang inyong mga sweldo, ug gipasagdan ang gagmay nang daan nga mga sweldo sa mga kabus!