Nagkadaghan na ang Pinoy

Ang opisyal nga gidaghanon sa populasyon sa Pilipinas karon niabot nag 87 milyon.

Kini suma pa ni Agriculture Secretary Domingo Panganiban kinsa nagkanayon nga ang gidaghanon sa mga Pilipino nagadugang matag minuto.

Ug ang kadaghanan sa mga batang matawo matag adlaw nagagikan sa pobreng mga pamilya.

Naay banabana nga sud sa umaabot nga napu ka tuig ang gidaghanon sa mga tawo sa Pilipinas moabot nag 100 milyon.

Murag pakyas ang tinguha sa gobiyerno sa paglimiti sa atong populasyon.

Kay ang atong Simbahan midumili man sa mga magtiayon sa paggamit og artificial birth control methods ug kay daghan man ang mituo sa baruganan sa simbahan, dili ba kaha maayo kun hatagan og kusganong duot sa simbahan ngadto sa mga magtiayon, ilabi na kadtong mga timawa, nga ila lang hinay-hinayan ang ilang pagpanganak pinaagi sa natural means?