Pasaylo

Arthur Tonne

Napulog-siyam ang panuigon si Rayna Victoria sa Inglatera sa dihang siya ang milingkod sa trono isip rayna. Usa ka adlaw niana, gihukman niya ang usa ka sundawo nga mibiya sa panggubatan sa silot nga kamatayon. Sa wala pa himoa ang silot, iyang gipangutana ang opisyal sa maong sundawo: "Wala ka na bay ikasulti agig pagpanalipod ning maong sundawo?" Ang opisyal mitubag: "Wala na kamahalan sanglit nibiya man siya sa tropa sulod sa tulo ka higayon."

Ang rayna mipadayon: "Hunahunaa kuno." Ang opisyal human sa pipila ka gutlo sa pagpamalandong miingon: "Ilang giingon nga kining tawhana, bisan talawan apan maayong tawo...! Ang rayna mitubag: Kana ang akong gipaabot." Unya gisulat niya ang laing hukom: "Gipasaylo na."

Pamalandong

Bisan pa man sa kadautan sa usa ka tawo, og bisan pa man kon siya dumtan sa tanan, ang Dios sa kanunay mosapupo lang gihapon kaniya. Dugang pa, walay dautang tawo walay nahabiling maayo sa iyang pagka-siya.