EDITORYAL – Kadungganan gikan ni Manny

Samtang ang pipila sa atong mga politiko bisi sa ilang paghimog kaguliyang sa nasud, usa ka Pinoy ang bisi usab sa pagpatulo sa singot aron makaangkon og kadungganan ang iyang nasud.

Si Manny Pacquiao ang atong buot ipasabot. Si Manny nakigsangka batok sa Meksikanong si Erik Morales kinsa iyang gibuntog pinaagi sa technical knockout sa ika 10 ka hugna didto sa Las Vegas.

Usa ka dakong kadungganan ang naangkon ni Manny dili lang alang sa iyang kaugalingon kundili usab sa nasud nga Pilipinhon.

Gawas pa sa kadungganan, si Manny mipuno usab og dakong kantidad ngadto sa panudlanan sa gobiyerno pinaagi sa buhis nga ilaslas sa gobiyerno sa milyones pesos nga iyang premyo.