Lain na usab nga mga hagit ug pagsulay sa kinabuhi ang atong atubangon ning bag-ong tuig.
Ang Banat News, taliwala sa kalisud sa pagpuyo, kagubot sa politika, kangitngit sa ekonomiya, ug kaparotan gikan sa mga sukmat sa kinabuhi, mopadayon sa iyang paglawig ug paghatod og mga impormasyon nga kinahanglan natong mahibaw-an sa adlaw-adlaw.
Uban sa lima ka igsuong pamantalaan, ang Philippine Star, Pilipino Star Ngayon, PangMasa, ug The Freeman, ubos sa bag-ong tagdumala, ang Star Group of Publications, ang Banat News dili molubad isip tabloid sa masa nga mga Bisayang dako ug tighatod sa mga lab-as ug kulba-hinam nga estorya sa politika, krimen, ekonomiya, ug mga balitang may kalambigitan ang atong pagkinabuhi.
Uban kaninyong mga suki niining Banat News, saulogon ang Bag-ong Tuig pinaagi sa kahiusahan, gugma, kalipay , ug labaw sa tanan, diha sa kalinaw.