Kon wagtangon ang pork barrel...!

Adunay mga sugyot nga kon usbon man ang Konstitusyon, ibutang unta, usa sa mga provision, ug klarohon gyud nga wagtangon na, once and for all, ang pork barrel.

Ambut mosugot ba ang atong mga halandong lawmakers ini. Sila ra ba ang magbuot unsay mga amendments to the Constitution. Kanang public consultation, waa nay kapuslanan. Di gyud gihapon matuman ang gusto sa lungsod.

Ug kinsa man say ilang gi-consult?

In the first place kinsa may nagbuot nga silay magbuot nga sila ra ang mousab sa Konstitusyon, nga sila ra ang mo-constitute themselves into a Constituent Assembly? Ngiga nila no, sila ray nagbuot-buot?

Tuod man, unsa may mahitabo kon wagtangon for good ang pork barrel, sumala sa sugyot sa lungsod? Sumala sa usa sa mga mibutho sa public consultation nga ilang gihimo.

Unang mahitabo kon wagtangon ang pork barrel, mao nga di na sila mag-inilogay paglansar pagka-Congressman ug pagka-senador. Kay mag-unsa man tuod sila sa Kongreso kon waa nay pork barrel?

Sa pagkakaron, morag tulo da ka senador, ug morag waa sa Lower House, ang mi-give up sa ilang pork barrel. Usa na niini, si Senador Ping Lacson. Nakalimot na ko sa duha.

Ug way ni bisan kinsa nga Presidente ang mosugot nga wagtangon ang pork barrel tungod kay di na kautang og kabubut-on ang mga sakop sa Kongreso ngadto kaniya.

Laing mahitabo mao nga binilyong salapi ang ma-saved sa atong gobiyerno, inay ang maong salapi ipaagi pa sa mga lawmakers. Ngano man gyud? Nganong di na man lang idiritsog tukod og mga eskwelahan, taytayan o mga irigasyon?

Uyon kang wagtangon ang pork barrel Dro, aron kita na lang duha unya ang molansar pagka-Congressman o pagka-Senador?