Ang gasa

Nasabutan nga dunay pagahimuong party sa trabahoan nilang Dong Romy. Gikasabotan sab nga dunay pagahimuong exchanging of gifts. Singkwenta pesos ang limit nga kantidad sa ilang regalo. Tihik nga pagkatawo si Romy og dili siya buot nga mogasto og daghan. Mao nga giuntop gyud niyang singkwenta ang tanang magasto. (apil na ang putos). Sa dihang nagbunot-bunot na sa hatagan og regalo, iyang nadawat ang gamay'ng karton. Naglagot si Romy sa maong regalo. Alang niya, alkanse kuno siya niini. Ang iyang kauban nga si Doming nakadawat pud og usa ka dakong karton. Sa pagtuo nga daghan gyud kini og sulod mao nga gihangyo lubo gyud niya si Doming nga mag-ilis sila og regalo. Aron walay libog mao nga nakig-ilis gyud si Doming kang Romy nga bentahoso. Sa dihang miuli na sila sa tagsa-tagsa nila ka mga panimalay, giablihan nila ang ilang mga gasa. Ang kang Romy mga sapatos nga dunay guba ang kilid og samtang ang kang Doming relo nga Rolex kay ang maong gasa gikan man diay sa ilang manager.

Pamalandong

Duha lang ka punto ang buot kong ipaabot:

Una, dili maayo ang magsiguro lang sa kaugalingon.

Ikaduha, ang bili sa gasa wala magdepende sa gidak-on kondili sa kamanggihatagon sa naghatag og ang kaabli og kamapasalamaton sa modawat.