Kini, bisan pa man nga wala siyay gilusad nga imbestigasyon pagsuta sa kamatuoran sa mga pasangil sa mga kabanay sa mga minero nga biktima sa pagkahunlak sa tunnel sa Ibalong Mining Resources Inc. sa Dumalan, Dalaguete.
Ang depensa ni Labios dili makatay-og sa pasangil sa mga residente mismo duol sa minahan nga mao mismo ang gisultian sa mga biktimang minero nga delekado ang sitwasyon sa mga tunnel sa Ibalong tungod kay dili magtarong og inspeksiyon ang taga DOE ug adto lamang kini magyampungad sa opisina sa management sa minahan.
Ang maayong himuon ni Labios ang pagsusi sa kamatuoran sa pasangil pinaagi sa paglusad og imbestigasyon o pag-tap og laing ahensiya sa gobyerno pagsusi niini kay basin diay og aduna gyuy pabaya ang mga inspektor sa DOE mao nga wala mabadlong ang Ibalong sa wala pagsunod niini sa safety measures.
Kun walay ikahadlok si Labios nga mo-boomerang kaniya ang imbestigasyon imbestigahon niya ang iyang mga sakop.