EDITORYAL - Disiplina gikinahanglan

Adunay usa ka sakop sa Mobile Patrol Group (MPG) nga gipabalik sa iyang mother unit nga Regional Mobile Group (RMG) nga nagbase sa Sibonga tungod kay nakahimo kinig sa'a samtang dinhi sa siyudad gidestino.

Si Cebu City Acting Police Director Melvin Gayotin mipakanaug sa maong kamanduan human kini nakadawat og mga sumbong batok sa "kalapasan" nga nahimo sa maong polis kinsa nagdag ranggo nga police officer one

Suma pa sa sumbong nga nadawat ni Director Gayotin, kining maong PO1 nanion sa iyang pusil ngadto sa pipila ka mga tawo nga nagkapundok sa may dan D. Jakosalem.

Ang maong sumbong gipanghimakak ni gihisgutang polis kinsa miangkon nga hubog siya niadtong tungora. Apan bisan pa sa maong pagpanghimakak gipadayon gayud ni Gayotin ang pagpabalik sa maong police sa Sibonga.

Kami nagtuo nga husto ang gihimo ni Gayotin. Matud pa ni Mayor Arsenio Lacson sa dihang siya pay alkalde sa Manila: "A policeman, like Caesar's wife, must be beyond suspicion at all times.".