Ayaw i-postpone ang Pasko!

Tuod man, lisud ang panahon. Gawas sa mga dagkung negosyante ug sa atong mga lider sa gobiyerno, alang sa ordinaryong Pinoy in the street, lisud na gyud kaayo ang panahon bisa'g sigihan ta nila'g patuo nga on the way na ta to recovery, bisa'g sigehan ta nila'g lingaw-lingaw sa mga gold medal nga atong nakab-ot sa SEA Games, bisag punayan ta nila'g ingon nga kuno ang atong nasud, maoy labing barato nga puy-an ning dapit sa Asia - kining tanan, di gyud makapahanaw sa reality nga daghan ang gigutom, daghan ang wa'ay trabaho, daghan ang under-employed - sa ato pa, wa'a magdawat sa hustong suweldo, daghan ang wa'ay kaugalingong pinuy-anan - sa atol pa, daghan ang mga squatter, daghan ang nagping-ot sa kamahal sa mga palitonon, kun duna may ipalit, ug daghan ang nag-agunto sa nagkadaku nga mga bayranan sa buhis.

Gumikan niining tanan, daghan ang miingon nga mingaw ang karon nga Pasko, ug lagmit, alang kanila, wa'a silay pasko, ilang i-postpone hangtod mo-arang-arang ang panahon.

Unfair sad ni alang sa Ginoo. Wa'a ra ba siya'y labot niining atong kahimtang karon, kun unsa man kita karon. Wa'a siya'y labot sa atong pagka-tikasan, sa atong pagka-bakakon, ug sa atong pagka-corrupt ug pagka-kawatan. Kining tanan atong binuhatan. Ug mao kini ang atong gusto.

Amerika, ato silang giingnan nga "we'd rather see the Philippines run like hell by the Filipinos, than run like heaven by the Americans." Nagkatawa ang mga Amerikano sa atong pagka-hambugero.

Ug natuman ang atong gusto. Labaw pa's hell ang atong kahimtang karon (gawas lagi sa atong mga government leaders nga hilabihang hayahaya ang pagkabutang). Ug karon, imong iapil ang Ginoo, di na ka mo-welcome sa Iyang pagpaka-tawo aron ka kahugasan, Dro, sa imong kabuang ug ka-kuwanggol.

Ipadayon ang Pasko. Mag-alegre ta! Di man kinahanglan nga magbuntag ka sa casino, sa disco, mga ballroom dancing, sa mahjong, sa D'Inn o sa Travellers Inn. Di kinahanglan nga mahubog, di kinahanglan nga dunay lechon. Di kinahanglan nga mao kini ang imong buhaton aron ma-alegre ug aron maka-celebrate ka sa Pasko. Di man tingali kinahanglan mogasto ka kun mosimba ka sa tanang mga Misa sa Kaadlawon ug sa Christmas Day mismo? Lipay na kaayo ang Ginoo ini Dro. Try it!