ANG DIOS MIINGON...Tinuoray nga Diwa sa Pagka-Hari

Ang pagkahari ni Cristo wala magagikan diha sa Paagi nga Mapagarbohon. Dili kini self-serving. Dili kini egoistic. Hinunoa ang iyang Pagkahari gihulagway diha sa iyang maalagarong paghatag sa kaugalingon alang sa panginahanglan sa uban. Ang pagkahari na-actualize diha sa iyang pakigtipon sa mga ubos sa katilingban sa iyang kapanahonan. (i.e. Kobrador sa Buhis, Makasasala, ugbp.) gani, ni-culminate kini sa iyang makauulaw'ng kamatayon sa Krus!

Diha sa atong Bunyag, nakaambit kita sa Pagkahari ni Cristo sa panahon nga gidihogan kita sa Krisma. Apan usahay, malisud alang kanato ang pagtuman sa maong tahas tungod kay laing matang man sa pangulo o lider ang atong gisunod inay si Kristo. Laing matang sa value-orientation ang atong giawit. Kini naglangkob ning mosunod:

a. Ang dili makiangayong pagka-attach sa mga katigayonan. Nga nakapahimo sa tawo nga hakog. Nga nakapahimo niyang dili motabang sa uban; b. Ang pag-agap sa Dungog tungod sa atong naabot; c. Ang Garbo. Nahimo kitang maglisud sa pagsunod sa Kang Cristong atong Hari tungod kay ang iyang value orientation gihulagway man ning mosunod: a. Kakabus (Nga wala gyud tay ato ning kalibutana); b. Pagsaway sa Kalibutan tungod dili man haom ang atong value orientation sa tawhanong standard; c. Pagpaubos. Nga ang dugokan sa tanan natong pagsalig mao ang Makaluwas nga gahom sa Dios.

Ang Harianong Dagway nI Cristo nabuhi og nasinati diha sa dagway og sa kahimtang sa atong mga igsuon nga nagkalisud-lisud. Gidapit kita nga mamahimong mga sensitibo sa panginahanglan sa uban. Nga dili kay kaharuhay lang ang kinabuhi. Realidad usab nga duna usab ang kalisud. Nga dili lang unta nato hunahunaon ang atong mga kaugalingon lamang.