Balat, apektado ng paninigarilyo

TINALAKAY kamakailan ng BANTAY KAPWA na ang paninigarilyo ay nakakabaog sa kalalakihan. Dahil sa nicotine ng sigarilyo kaya humihina ang sperm cells ng lalaki at kaagad na naglalaho bago pa masalubong ang egg cells habang nagtatalik. Dahil din sa paninigarilyo kaya nasisira ang balat.

Ayon sa leading dermatologist na si Dr. Grace Palacio-Beltran ng Saint Luke’s Medical Center ang collagen ay mahalagang elemento sa balat ng tao ay nasisira dahil sa paninigarilyo. Dahil nga sa nikotina, nagdudulot ito ng pinsala sa balat gaya ng maagang pagluwag ng balat kaya hindi pa matanda ay nagmumukhang matanda na.

Sinabi ni Dr. Beltran na mahalagang pangalagaan ang balat na isa sa pangunahing aktrasiyon sa alindog ng babae. Matatandaan na sa nakaraang Miss Earth contest na ginanap sa Pilipinas nangingibabaw ang kariktan ng mga kandidatang flawless. Bukod sa kanyang matatamis na ngiti, malaking puhunan din ng ating Miss International 2005 na si Precious Lara ang pagkakaroon ng magandang kutis.