Ang Department of Environment and Natural Resources ay tumatanggap ngayon ng application sa nais mag-alaga ng buwaya. Ginagawa ito ng DENR para mabawasan ang populasyon ng buwaya sa crocodile farm sa Palawan.
Lumaki na ng husto ang populasyon ng alagang buwaya ng DENR. Bukod sa sumi- sikip na sila sa kanilang "tahanan," lumaki rin nang husto ang gastusin para sila ay pakainin o buhayin. .
Itinayo ang crocodile farm noong kalagitnaan ng dekada ’80, kasama ng ilang Japanese investors. Ang balak ay gamitin ang balat ng alagang buwaya sa paggawa ng mataas na kalidad ng sapatos, handbag, sinturon at iba pa. Gayunman, ang kalidad ng balat ng buwaya ay hindi umabot sa pamantayan ng Japanese market.
Magastos at kailangan ng matinding pag-iingat ang pag-aalaga ng buwaya. Dahil dito, wala kaming balak na ipamigay ito kung kani-kanino lamang.
Ang target namin ay ang mga poultry raisers o nag-aalaga ng manok. Malaking tulong ang mga buwaya sa poultry industry sapagkat sa halip na ibaon o sunugin ang mga namatay na manok, maaaring ipakain na lang iyon sa buwaya.
Walang duda, malaking bentahe para sa poultry raisers ang pag-aalaga ng buwaya.