Suod ang duha ka mga monghe sulod na sa dugay'ng panahon. Ang usa kanila miingon: "Mas maayo tingali igsuon nga mohimo kita og usa ka butang nga makapalahi sa atong naandang himuon. Unsa man? Sukna sa usa ka monghe. Atong himoon ang kasagarang himoon sa kalibutan nga mao ang panag-away. Kita ka anang bato? Ikaw moingon: "Ako ning batoha" og ako usab moingon: "ako ning batoha" dayon maglalis ta nga maoy magdala niini sa atong panag-away. Mao kadto ang ilang gibuhat. Ang unang monghe miingon: Ako ning batoha!" ang nagpasiugda sa maong buhat human nakapamalandong miingon: "Kon mao na higala, kon imo kanang batoha, hala hiposa! Walay away nga nahitabo.
Mahimugso ang panagbangi kon dili maantigong moaninaw ang matag-usa sa panginahanglan sa uban. Ang away kasagaran magsugod kon magpunay na lang ta og hisgot sa "Ako" akoy husto! Ikaw sayop, ako ni, wa kay labot. Diha sa pagrespeto sa panaglahi kita makabaton og mabulokong kinabuhi.