Pagpapaganda ng puwet

NAPAKALAKI at malayo na ang iniunlad ng siyensiya lalo na sa medisina. Isang major scientific breakthrough ang heart transplant na sinundan ng kidney transplant at iba pa at maging ang kasarian ng sanggol na nasa sinapupunan pa lang ng ina ay malalaman na sa pamamagitan ng ultrasound at iba pang patunay sa talento ng pinakamatalinong likha ng Diyos – ang tao.

Sa larangan ng pagpapaganda nariyan ang iba’t ibang transplants at beauty enhancement gaya ng sa ilong, bibig, dibdib at ang ngayon ay nauusong buttock augmentation o ang pagpapaganda ng hubog ng puwet na mala-Jennifer Lopez na umamin na siya’y nagpa-bottock enhancement para mas madagdagan ang kanyang sex appeal.

Ayon sa world-renowned aesthetic surgeon na si Dr. Corazon Collantes-Jose ang buttock augmentation ay dumaan sa masusing pag-aaral. Iisa si Dr. Jose sa mga international plastic surgeon na nagpulong ukol sa review and reassessment ng naturang proseso. Sinabi ni Dr. Jose karamihang surgeons ay gumagamit ng fat injection subalit ang mga doktor sa South America, sinasabing champion pagdating sa buttock augmentation, ay gumagamit ng silicon implants both gel and firm. Sinabi ni Dr. Jose na ang silicon implants ay isinisiksik sa balat at kamakailan lang ang implants ay ini-insert, under the gluteus maximus muscle and the muscle facia. Ang pagpapaganda, lalo na ang pagpapalaki at pagpapatambok ng puwet ay dapat na masusing pag-uusapan ng doktor at pasyente, susog ng multi-awarded aesthetic surgeon.

Sinabi niya na hindi lang mga babae kundi maging mga lalaki rin ang ngayon ay nagpapa-bottock augmentation. Para sa karagdagang-kaalaman tungkol sa pagpapaganda sumangguni kay Dr. Corazon Collantes-Jose sa 8192966.