Makalilisang kining bird kun avian flu ug daghan na ang nangamatay tungdo niini didto sa mga nasud nga nangaigo na sa maong sakit.
Bisan tuod nga dinhi sa atong nasud wala pay bisan usa ka kaso sa bird flu nga na-recorded, si Cardinal Vidal mipadayag sa iyang kabalaka nga dunay kahigayonan -- suma sab sa mga eksperto -- nga ig-on kita sa maong gikahadlukan nga sakit.
Ang Cardinal gipaabot nga mo-isyu og sirkular diin iyang awhagon ang tanang mga Katoliko sa pag-ampo human sa kada Misa nga ilang pagtambongan.
Mao ning ikatulong higayon diin ang Cardinal mideklarar sa Sugbo nga ubos sa State of Prayer. Adtong duha ka tuig nga minglabay, iyang gihimo kini dihang nanghasi sa tibuok Asia ang Severe Acute Respiratory Syndrome kun SARS ug niadtong Agosto batok sa dengue fever.
Atong suportahankining "State of Prayer" nga, sa pagsuwat niini, giplanohan na usab gna ideklarar sa atong tinahud nga Arsobispo.
Kini mopalig-on sa "State of Prepardeness" nga gideklarar na sa Konseho sa atong siyudad.
Mas maayo pa man gani nga sugdan na nato ang pag-ampo batok sa bird flu samtang ato pang gihuwat ang pormal nga "State of Prayer" declarationsa mahal tang Cardinal.
Busa sugdan ta na ang pag-ampo -- ang pag-ampo nga mahilayo kita sa katalagman dala sa makalilisang bird flue.