Ang maong nagpabadlong polis gitawag nato nga scalawag.
Apan si Cebu Provincial Police Office (CCPO) Director Supt. Vicente Loot adunay lahing panahom kabahin ning maong butang.
Wa ganahi si Director Loot sa maong praktis. Matud niya walay maayong epek ang maong maang sa pagsilot sa badlongong polis.
Matud ni Loot, sa iyang pagpakighinabi sa Banat News reporter nga si Edwin Ian Melecio, wa siya ganahi sa polisiya nga ibalhin lang sa laing lungsod o kaha sa laing probinsiya ang usa ka polis nga nakahimog dakong sala ngadto sa katawhan.
Mao ra kuno gihapon ang mahitabo. Bisan asa kuno nimo ibutang ang "police with criminal mind" mohimo gihapon kinig saa. Napamatud-an na kuno kini niadtong mga polis nga iyang gibalhin ngadtos laing dapit human kini nakahimog salaud.
Kun si Loot lang ang pabut-on, gusto gayud niyang tangtangon sa serbisyo ang polis nga nakahimog saa. Mao ra kuno kining paagi nga malimpiyohan ang puwersa sa kapolisan niadtong mga polis nga badlongon kinsa maoy nakahatag og mangil-ad nga imahe sa kapolisan.
Uyon kami sa gipadayag sa CCPO director. Kami nagtuo nga ang usa ka polis nga badlongon walay luna sa police force diin ang gikinahanglan mao kadtong mga tawo nga adunay dignidad ug dalaygong karakter.