Nagkasakay sa tren ang usa ka edaran nga Obispo og ang batan-ong pari nga bag-ohay pa lang nigradwar sa teolohiya. Gisugid sa Obispo ang mga panghitabo sa iyang kinabuhi. Kon unsa kini kamabulokon og kon unsa kini kamalipayon. Unya gipangutana sa Obispo ang batan-ong pari kabahin sa iyang bokasyon. Kon nganong nagpari man siya. Ang batan-ong pari mitubag: "Aw, ako man gud nga nakita og nasinati nga gikinahanglan ko sa atong Ginoo."
Ang Obispo mitubag: "Maayong tubag anak!" sa akong nahibaw-an kausa ra gyud sa mga ebanghelyo nga dunay panginahanglan ang atong Ginoo. Ato kining makita sa Lukas 19:34, sa dihang nisulod ang atong Ginoo sa Jerusalem, nanginahanglan siya og asno!" Pamalandong
Ang Dios wala magpaabot nga mamahimo kitang mga ngilngig diha sa paghimo og pangalagad. Ang atong mahimo alang sa Dios og sa atong isigkatawo, dili angayang ipanghambog. Nagkinahanglan kita sa Dios aron mas malig-on og mas matiunay kita sa atong mga laraw.