Si Big Boy Herpes ng Customs

SIGURO dapat isama ni Jess Arranza, isa sa mga member ng Cabinet Oversight Committee ng Malacañang regarding smuggling matters si Big Boy Herpes, ang notorious na magnanakaw sa gobyerno. Isa ito sa mga taga-custong este mali Customs pala na nagpapahirap sa gobyerno para makakolekta ng tamang buwis.

Nagmamadaling magka-pitsa si Big Boy Herpes dahil alam niyang babagsak na ang gobyerno ni Prez Gloria Macapagal-Arroyo kaya naman kung anu-ano ang naiisip n’yang kagaguhan para siya makapitsa. Siyempre malakihan ang lakad ni Big Boy Herpes.

Ang Clark Customshouse ang bagong balwarte ni Big Boy Herpes dahil ang lugar na ito ang ginagamit niya sa diversion ng kanyang shipments. Ang Maling, luncheon meat ang malaking pinagkakakitaan ngayon ni Big Boy Herpes. Take note, DoF Secretary Margarito Teves, Your Honor!

Sa entry form lang gumagastos ang grupo ni Big Boy Herpes dahil ito lang ang binabayaran nila sa kaha. Ang Maling luncheon meat ay dehins na rin pumapasok sa Clark Customshouse. Sabi nga, prosessing lang ang nasabing lugar pero ang lakad nina Big Boy Herpes ay diversion of commodities.

Hindi biro ang pinag-uusapang pitsa rito. Paging Prez Gloria Macapagal-Arroyo. Si Big Boy Herpes, ay dating sundalong kanin este mali estudyante pala sa Philippine Military Academy pero dehins siya graduate todits dahil sa Philippine Mental Academy niya ipinagpatuloy ang kanyang pag-aaral at nagtapos ito bilang Bachelor of Science in Pangongotong Major in Intelihensiya.

Buti na lang lumipat si Big Boy Herpes sa Mental Academy at hindi grumadywt sa PMA kundi malaking kasiraan ito sa eskuwelahan sa Baguio City. Ang slogan ni Big Boy Herpes ay TO SERVE and COLLECT at MONEY first before country.

Ganito kabagsik si Big Boy Herpes nang umupo sa Aduana si Balong Malalim dahil lalo itong bumangis.