Diha sa P. Burgos eskina Osmeña Blvd.

Mga suki, timan-i nga sa inyong paglakaw-lakaw sa bisan asang dapit niining magahob nga dakbayan sa Sugbo dili kamo luwas gikan sa kakuyaw. Kini tungod kay ang mga badlongon sa katilingban anaa na sa bisan asang dapit. Panulis, pangisnats ug panguot maoy ilang modus operandi.

Dili pa lang dugay, nakadawat kog reklamo kalabot sa mga hold-aper nga sagad anha mangbiktima diha sa may P. Burgos eskina sa Osmeña Boulevard ning dakbayan sa Sugbo. Sumala sa sumbong nga akong nadawat, adunay tulo ka tawo diha nga mokalit lang og panghold-ap sa maglakaw nga mga tawo.

Ang estilo mao nga abyan ka sa usa nila ka kauban samtang ikaw molabang nianang maong eskina. Modeklarar gilayon og hold-ap. Inig-abot nimo sa pikas tampi sa karsada, may laing duha ka lalaki nga moali kanimo.

Usahay sab mokalit silag sugat sa ilang prospek nga molabang sa dalan. Modeklarar dayon ug hold-ap. Walay mahimo ang prospek gawas sa paghatag sa ilang gipangayo tungod kay armado man ang mga suspek. Pagbantay kamo niini.

Maayo usab unta nga mabantayan sa kapolisan kanang mga badlongon sa katilingban nga anaa nianang dapita.

* * *

Sa laing bahin, may usa ka cellphone subscriber nga nagpadala sa iyang reklamo kanako pinaagi sa text. Ang iyang text nagkanayon:

"Good day. Nagpadala ko nimo og text mahitungod niining 2929 sa Globe. Kada bulan magpadala sila og ringtone nga wala man kami magkinahanglan niini. Bisan og i-discard makuhaan gihapon ang among load. Tag P15,00 ra ba gyod. Usa may mahimo namong mga subscriber nga mas labaw pa man kini sa ilad? Imagine, sa 100,000 ka mga subscriber makakuha sila og tag P15.00 nga load matag subscriber. Pila ka milyon nga kuwarta ang ilang makuha? Labaw pa kini sa ilad. Tabangi mi nga mahunong ang pagsige og hatag og ringtone nga wala namo kinahanglana. Daginoton pa gyod ang among gamay nga load. Wala ba gyod niy 'patawad'? Hinaot nga mabasahan namo ang among sumbong diha kanimo. Salamat kaayo. 0916-3011282 (September 1, 2005--20-41-45)

Salamat sa imong text. Ang tinuod, usa kini sa mga hinungdan nga mibalhin ko sa Smart kay dili na ko makaantos sa binuang sa Globe. Tiaw ba nga makuhaan man ang akong load (kaniadto) bisan wala nako gamita.

Kalabot sa imong reklamo, ingon sa wala gayoy dag-anan ang mga subscriber niini. Unsaon nga dili man mamati ang Globe sa atong mga reklamo ug yangungo.

Sumbong ug reklamo? Text sa 0910-8105522)