Nahulog sa lungag

Usa ka tawo ang naglakaw og wala lang gyud tuyoa nahulog sa usa ka lungag. Maglisud siya og saka pabalik mao nga nagpaninggit siya og pakitabang. Usa ka propesor ang nahiagi og nakadungog sa maong pakitabang apan inay motabang iya naman hinuong gikasab-an ang maong tawo: "Sa sunod gani, pagbantay sa imong paglakaw aron dili ka madisgrasya!" dayon iyang gibiyaan ang maong tawo. Usa ka balaang monghe ang nahiagi sa mao lang gihapong dalan og iyang giingnan ang maong tawo: "Akong itunol ang akong mga bukton, paningkamot nga makasaka ka og gamay aron ako kang mabunlot." Apan lawom ra kaayo ang maong lungag. Busa milakaw ang maong monghe binalon ang tumang kaluoy ngadto sa maong tawo. Unya nahilabay si Kristo. Sa walay igong pangutana, miambak siya og iyang gipatungtong sa iyang mga abaga ang maong tawo, og iya pa gyud kining gitukmod sa iyang mga kamot hangtud nga nakasaka kini og balik gawas sa maong lungag.

Pamalandong

Walay daghang kyaw-kyaw ang Ginoo kon siya mao na ang motabang. Iyang gipakaubos ang iyang kaugalingon og nakigtipon nato ingon nga sama kanato aron kita makalingkawas sa lungag sa pagpakasala. Giisa niya ang atong pagkaubos og pinaagi kang Jesus nahimo kitang mga anak nga sinagop sa usa lamang ka Dios.