Sakyanang publiko dili i-tint

Hibong kaayo ko, Dro, ngano nga ang mga sakyanang publiko, kanang ilang gitawag nga mga For Official Use Only, tinted man!

Una sa tanan, dili kini ilang mga sakyanan. Waa silay gasto bisag usa ka sentabo niini. Ug waa ni labut sa kontrata pagbotar nato nila. Ug sa ilang pagpangampanya, waa ni sila mosaad nga magpapalit silag mga sakyanan aron mag-epektibo ang ilang pag-alagad.

Porbida hayahaya ning atong mga suloguon unta sa lungsod. Hayahay pas police, matud pa. Samtang nagpasingot ang mga taxpayers nga nag-sweldo nila, sila, airconditioned na, waa pay gasto sa mahal na kaayo nga gasolina.

No wonder, daghan gyud kaayo ang mag-inilogay pag-serve sa country. Daghan gyud kaayo ang gustong mag-sacrifice alang sa katawhan. How patriotic.

Ug dugang niining tanan, tinted pa gyud ang ilang mga sakyanan nga dili ila. Nganong tinted man gyud? Nganong di man sila gustong makita? Hadlok silang makit-an kon kinsay ilang kuyog! Di sila gustong makit-an ang mga maid nga ilang gisugo pagpangompra?

O mauwaw silang magsakay-sakay sa mga sakyanan nga dili ila? Nganong tinted man gyud. Dro! Hadlok silang mahibaw-an nga dili na for official use ang ilang paggamit?

Nganong tinted man gyud? Tubaga kuno ko, Dro! Akong usbon, nganong tinted man gyud, Dro?

Unsa may mahimo sa COA niini? O lakip ang sakyanan sa taga-COA utro sang tinted. Sige na lang, kamo may hawod. Patuyang na lang mos inyong gibati.

Ingon, sa demokrasya, ang gahom sa panggobiyerno emanates from the people. Tuo ka ini, Dro?