EDITORYAL - Pinoy Big Brother, unsay leksiyon?

Daghan na na-ungo pagtan-aw niining Pinoy Big Brother sa usa ka sikat nga television network sa kauluhan. Usa kini ka reality TV nga nagpakita sa kinabuhi sa mga lalaki ug babaye nga giusa pagpuyo og usa ka balay.

Gibase kining maong programaha sa usa ka reality TV sa gawas.

Samtang misulbong ang kasikat sa mga personalities nianang reality TV, gihasi usab kini og pagsaway tungod sa walay maayong gidulot nga pagtulon-an sa mga tumatan-aw'ng publiko.

Makita sa salida nga maghinilakay ra, maghubo nga magdagandagan, magpakita sa kinatawo ngadto sa kauban.

Wala gani kini mga tinuoray nga 'challenges' aron maoy basehan sa puntos nga makuha sa miapil niini.

Samtang gidayeg sa pipila kining maong programaha sa telebisyon tungod kay gipasikat sa network kanang mga tawhana nga dili gani artista ug wala gani ilhi sa katilingban ilang simpleng kinabuhi sa wala pa ang programa.

Apan ang leksiyon-moral niining programaha maoy kulang. Bisan pa, hasta na ra ba ang mga bata nagsugod na og ka-inlove niining maong programa, nakasag-ulo na sa awit nga Pinoy Tayo, bisan may mga eksenang binastos sa programa.

Sa laktod, wala mohaum sa pagtulon-ang maka-Pilipino ang maong programa.