Iwasan ang ketong

ANG ketong ay buhat sa mycobacterium lepros. Ang mga sintomas ng ketong ay ang matagal na pamumula at pamamantal ng balat, kawalan ng pandama, pamamanhid ng balat at sobrang sakit ng leeg, kilikili at tuhod.

Ang ketong ay nakakahawa sa pamamagitan ng hangin paglanghap ng tinatawag na droplet na mula sa pagbahing at pag-ubo ng may ketong.

Dapat magpa-check-up at sumailalim sa multi-drug therapy ang mga may sintomas ng ketong.

Narito ang mga dapat gawin para makontrol ang paglaganap ng ketong: Kailangang gamutin agad para maiwasan ang pagkalat ng impeksyon; Hindi dapat lumapit ang mga bata sa may ketong; dapat na magkaroon ng personal hygiene; panatilihin ang body resistance sa pamamagitan ng healthful living na kinabibilangan ng tamang nutrisyon, sapat na pamamahinga, regular exercise at malinis na kapaligiran.