Dugang reklamo

Nagpakabanang mga kawani ug mga tinun-an sa Cebu State College of Science and Technology (CSCST) nipahibawo nako nga dunay usa ka detalye nga wa isulti ni Dr. Victor Villaganas, bise presidente sa CSCST, sa iyang pagtawag nako sa telepono sa niaging semana: Ang iyang pag-eskuyla para sa iyang doctorate sa philosophy sa CSCST dungan sa iyang pagkuha og abogasiya sa Southwestern University (SWU).

Matod nila lisod kaayong toohan nga si Villaganas makatarung pagtuon sa duha ka lisod nga kurso sa duha ka buwag nga eskuylahan sa usa lang ka higayon, kanus-a nagtudlo sab siya sa graduate program ug sa 28 ka subjects sa evening program sa CSCST, sa way paghisgot sa iyang mga gimbuhaton isip ikaduhang labing taas nga opisyal sa eskuylahan. Nisubli sila pagpadayag og pagduda nga gihatagan si Villaganas og Ph.D. sa CSCST bisan kon wa katungha bisan kausa sa iyang mga klase.

* * *

Gikuwestiyon sab sa mga kawani ug mga tinun-an ang masulub-ong rekord ni Villaganas isip resident Ombudsman sa tibuok sistema sa CSCST. Matod nila giyak-an lang ni Villaganas ang reklamo sa mga magtutudlo sa Camotes campus. Maong naabtan og duha ka tuig una nasang-at ngadto sa atensiyon sa Visayas Ombudsman ang kontrobersiya sa Camotes.

Gipasanginlan nila si Villaganas nga nigamit na sa mga palusot nga iyang nakat-onan sa abogasiya aron paglawgaw sa mga pasangil nga ilegal nilang gidawat ang makabungog nga honorarium sa evening classes nga wa nila serbisyohi ug pagpatuyang pagkuha og mga kurso nga wa nila eskuylahi.

Gipasanginlan sab nila si Villaganas nga maoy nitapok sa mga magtutudlo ug mga kawani sa CSCST aron pagpirma og manifesto pagpanghimakak sa mga pasangil batok nila. Salamat na lang nga way nikubit sa iyang maniobra.

* * *

Gipasanginlan sab nila si Dr. Jose Sal Tan, presidente sa CSCST, nga napakyas pagtukod og academic council ang main campus nga langkoban sa mga magtutudlo nga assistant professors pataas, nga gimando sa R.A. 8292. Ang gitukod ni Tan mao rang management committee (ManCom) kansang mga sakop iya rang pinili ug sila-sila ra say nag-umol ug nagpatuman sa mga programa ug curriculum nga wa masubli sa lehitimong academic council.

Ang academic council mao untay mo-umol og "College Code" nga magsilbing giya sa tanang kalihokan sa CSCST. Mao ni gitumbok nga usa sa hinungdan nganong nagyagaw ang CSCST tungod sa giingong pag-abuso nilang Tan, Villaganas ug kaubanan.

Gipasanginlan sab si Tan nga nakalapas sa Civil Service Law sa iyang pagtudlo sa retiradong kawani sa Palompon Institute of Technology (PIT), Maximo Limpiado, isip supply officer ug budget officer sa CSCST. Gikuwestiyon sang pagtudlo ni Tan sa iyang pag-umangkon, Cerbert Himang, nga superintendente sa Mandaue campus. Pero kay daghan mang nagbagulbol nga di qualified si Himang, gi-demote dayon pagka *

* * *

leo_lastimosa@abs-cbn.com