Ihalimbawa ko sina MIAA general manager Al Cusi, retired General Angel Atutubo, AGM for Security and Emergency, retired Col. Frank Dino, hepe ng Airport Police Department kahit na anong oras ay puwede kang lumapit sa mga ito.
Mga edukadong tao ang mga nabanggit na opisyal pero ang trato nila sa mga pangkaraniwang tao ay makatao.
Ang dehins lang maintindihan ng mga kuwago ng ORA MISMO, kung bakit may mga miyembro ng Industrial Security Guard na mas mayabang pa kaysa sa kanilang mga amo. Sabi nga, yambog.
Isa dito si muta este mali Murcia pala. Gestapo type ang dating niya lalo’t mainit ang ulo dahil sangkatutak na pala ang nagrereklamo dito sa paliparan.
Kaya naman dapat na itong ipatawag ni General Atutubo para makausap ng maayos. Ika nga, iba ang dating nito. Parang siya ang may-ari ng paliparan kung umasta. Bakit kaya?
May amat kaya siya? Kung anuman ang ama’t niya siya lang ang nakakaalam.
May pending case raw si muta este mali Murcia pala pero kinakapa pa toits ng mga kuwago ng ORA MISMO.
Sangkatutak ang nagsusumbong sa mga kuwago ng ORA MISMO, kung paniniwalaan ng todo ang mga ibinulong sa amin siguro dapat magsagawa ang pamunuan ng MIAA ng random drug test sa ilang miyembro ng Industrial Security Guard.
Hindi ko naman sinasabing sumisinghot sila ng floorwax pero buti na iyong sigurado.
May mga nakasukbit kasing teka-teka este mali boga pala sa kanilang baywang kung ang hanay ng mga Industrial Security Guards ang pag-uusapan, paano kung mag-trip ito at bogahin ang mga civilian.
Sino ang sisisihin?
Kaya kailangan ang thorough drug at neuro testing.
‘‘Sino ba si Murcia?’’ tanong ng kuwagong sabog sa chlorox.
‘‘Isang Industrial Security Guard ito sa paliparan na iba ang dating,’’ sagot ng kuwagong SPO-10 sa Crame.
‘‘Totoo bang may pending case si muta este mali Murcia pala?’’ tanong ng kuwagong flip.
‘‘Iyan ang inaalam natin kay General Atutubo!
Abangan!