Ang tulo ka mga departamento sa langit

Gisuroy ni Arkanghel Gabriel ang kalag ni Berto sa langit. Sa unang lawak busy kaayo ang mga anghel og pagdawat og mga sulat. Unsa man ning lawaka? Sukna ni Berto. Kini mao ang Receiving Department. Dinhi dawaton ang mga pag-ampo nga gikan sa yuta. Sa ikaduhang Lawak, busy kaayo ang mga anghel og pinustanay. "Unsa man pud ning dapita?" pangutana ni Berto. "Kini ang Delivery Department og dinhi ipadala ang mga tubag sa mga pag-ampo sa mga tawo. Sa ikatulong Departamento nakita ni Berto nga kini mingaw og usa lang ang anghel nga nagbantay unya nahinanok pa gyud. "Nganong mingaw man ning dapita Arkanghel Gabby?" sukna ni Berto. Kini ang Thanksgiving Department. Dinhi dawaton unta ang mga pasalamat sa mga tawo gikan sa kalibutan human nila og dawat sa gasa'ng gikahinaman.

Pamalandong

Usahay moduol lang kita sa Dios kon manginahanglan na apan makalimot kita niya kon wala tay mga problema. Ayaw kalimti ang Dios, Higala.