Pagtukod sa Palasyo

"Sa usa ka layong gingharian adunay hari nga buot mopatukod og usa ka maanindot nga palasyo sanglit hapit naman mahugmak ang palasyong kasamtangang gipuy-an. Usa ka dektreto ang gimantala sa tibuok gingharian nga si bisan kinsa nga makatukod sa maong palasyo dunay madawat nga dakong ganti.

Tuod man, usa ka arkitekto ang miabot og mihimo dayon og usa ka maanindot nga plano alang sa usa ka harianon ug matahom nga palasyo. Apan kutob ra pud sa plano ang tanan. Unya, nahiabot ang usa ka panday nga nabantog sa kahanas.

Ug gisugdan dayon og sa mga kuyog niya ang pagtukod sa gidamgo nga palasyo apan dili nindot ang resulta kay wala may planong gisundan. Nahasol og nahadlok ang hari basin dili matuman ang iyang gidamgo nga palasyo.

Ang maong suliran nahiabot sa usa ka maalamong ermitanyo nga miadto sa hari og sa tataw nga mga pulong, iyang giingnan ang hari: "Kamahalan, kon buot ka nga matukod ang gidamgo mong palasyo tawga og balik ang panday og ang arkitekto. Ang arkitekto mao ang pahimoa sa plano og ang panday mao ang palihoka. Ug unya nahuman ang usa ka lig-on og matahom nga palasyo.

Pamalandong

Kay dili mahitabo nga mabugtaw ang usa ka gambalay kon magbinugtong lang ang motukod niini. Daghan ang maayog hunahuna nga walay buhat og daghang mobuhat nga moryo-moryo lang ang agi.