Anemia

KAPAG nahihirapang huminga, madaling mapagod at patuloy ang pamumutla siguradong may anemia ka.

Ipinaliwanag ni Dr. Celia Samson-Talusan na ang anemia ay isang kondisyon na bumababa ang red cells ng dugo. Ang epekto nito ay ang sinasabing inadequate hemoglobin, ang oxygen na nagdadala ng pigment sa dugo. Sinabi ni Doktora Talusan na ang elderly na anemic ay malamang na dumanas ng cardiac failure. Bukod sa nahihirapang huminga, humihingal sila at namamaga ang binti. Madalas na magka-sore throat at madaling maputol ang mga kuko sa kamay at paa. Meron din silang naiibang pagkahilig sa pagkain o food cravings.

Ang sinasabing most common form of anemia ay ang iron deficiency anemia. Ang iron ay nakukuha sa mga kinakain at ang kakulangan ng iron ay mapanganib, iugnay pa ang blood loss sa gastro intestinal track gayundin mula sa ulcer o kanser. Ang mga babaing may anemia ay pinahihirapan din ng heavy menstrual bleeding o sobrang pagdurugo kapag may regla.

Ayon kay Doktora Talusan, dapat na kumain ng mga pagkaing mayaman sa iron, gaya ng itlog, atay, red meat, malunggay at talbos ng kamote.