Ang ikasiyam nga misa

Usa ka pari nahisum-ok sa usa ka kapilya alang sa iyang ika-siyam nga misa anang adlawa kay lagi piyesta. Lapoy na kaayo si Padre og daw sa wala nay laway nga nahabilin og daw sa nahutdan na siya sa wali. Mao nga sa iyang wali iyang giingnan ang mga tawo: "Mga igsuon, ikasiyam na nako ning misa karon, unsa man magwali pa ko?" Wali lang Dre kay piyesta gud ron! Hangyo lubo sa mga taga-baryo. "Bweno, dayon igham ni padre. Usa lang ang mensahe sa atong ebanghelyo karon mga igsuon ko diha ni Cristo, nga kitang tanan, magbinuotan, magbinuotan, ug magbinuotan. Karon isunod dayon nato ang halad...."

PAMALANDONG

Aron mas maayo ang pagpangalagad dili maayo nga sakiton ni pugson ang lawas sa nanghinobrang lihok. Mao nga gikinahanglan gyud sa usa ka pari o ni bisan kinsa ang usa ka pahuway. Hinuon dili man dautan ang mowadwad og pag-ayo labina kon kini tungod og alang sa usa ka Diosnong katuyoan apan ko sa katarungan nga bugtong bulsa ra ang nasayod nan, lain na kana.