Ang tulo ka ang-ang sa korupsiyon

Usa ka kawani sa gobiyerno nangutana sa usa ka tigulang mahitungod sa isyu sa korupsiyon.

"Iyo, unsaon man nato pag-ila sa usa katawong kurakot?"

Ang tigulang igo lang mikibo og makadiyot dayon miingon sa maong babaye: "Akong tubagon ang imong pangutana inday pinaagi sa paghulagway kanimo sa tulo ka mga ang-ang sa korupsiyon og ang mga ang-ang mao ning mosunod: Unang ang-ang: Ilawom sa Lamesa Ikaduhang ang-ang: Ibabaw sa lamesa Ikatulong ang-ang: Apil na ang lamesa! PAMALANDONG

Ang kalayo sa pagpakasala magsugod gayud sa ginagmay'ng haling. Ingon ana sab ang pagbansay sa korupsiyon. Sa sinugdan dili kini mailhan tungod kay ginagmay og tinagidyot ra man ang paagi sa pagpangawat. Apan kay nahigaam man sa pagkuha og bisan unsa nga walay hago mao nga manimpalad gayud sa pagkuha og mga binulto. Ang kiriwan sa ginagmay'ng kantidad mas kiriwan gyud sa dinagko.