Husto ang obserbasyon sa atong Cardinal. Hapit kada adlaw adunay patyon dinhi sa siyudad apan ang mga mamumuno gipasagdan lang. Otsentay-otso na ang gitumba apan wala pay bisan usa nga suspek ang nadakpan sa kapolisan.
"Lisud man gud," matud pa sa usa ka opisyal sa kapolisan. "Lisud kaayo kay wa may motestigo." So period na diha. Scot-free na ang mga kriminal.
Matud pa sa Cardinal siya sa iyang bahin nakahimo na sa gikinahanglang aksyon batok niining mga "unmerciful killings."
"It is now up to the people to stand up and stop these killings," matud sa Cardinal.
Miawhag siya sa mga sakop sa Catholic community sa pag-uban kaniya-- pag-abag kaniya -- sa iyang "advocacy against the vigilante killings."
Kahibudngan bitaw nganong wala may bisan usa sa mga gitawag nga cause-oriented groups ang mipakita sa ilang pagpakabana taliwala niining nagpadayong dugoong kalihukan sa ginganlag vigilantes.