EDITORYAL – Mansanas batok dengue

Nakadungog na gyud tingali mo sa panultihon nga "An apple a day drives the doctor away." Apan nakadungog na ba mo nga ang mansanas diay makapugong sa dengue ug makaayo sab kini sa maong balatian kun nakatakod na kini?

Yes, tambal sa dengue ang apple kun mansanas. Kini atong nasayran sa flyer nga gipang-apod-apod sa International Pharmaceuticals, Inc. (IPI) isip kabahin sa ilang kampanya batok dengue.

Suma pa sa IPI flyer, sa pagsugod gayud sa dengue fever, kinahanglan pakan-on dayon ang biktima og mansanas.

"Apples are rich in pectin and when fermented turns into a special kind of alcohol compound believed to weaken the virus that causes dengue fever," matud pa sa flyer nga atong nadawat.

Kining elemento nga pectin nga anaa sa mansanas dali kaayong mosagol sa blood plasma nga makapakgang sa hemorrhage.

Dugang impormasyon bahin niini masayran sa "Enlightening Facts About Dengue Fever" nga gipang-apod-apod libre sa IPI kang kansang telepono mao kini: 231-2685 to 696.

Among daygon ang IPI sa ilang gipakitang pagpakabana ug pagtinguha nga matabangan ang atong komunidad nga karon gihulga sa sakit sa dengue.