Karon, di na katuhoan ang mga survey?

Hinumduman nga sa nag-angat pa ang miaging presidential election, ang mga survey nagpakita sa ka close sa fight nila ni Gloria ug FPJ.

Inig-ingon sa survey nga nag-una nag gamay si Gloria, lipay kaayo ang taga-Gloria. Ug kon makabintaha sad si FPJ. Lipay sad ang taga-FPJ.

That's normal. Bawos-bawos lang. Ug sa nagkaduol na ang eleksiyon, nagkalainlain ang mga resulta sa mga survey, sigon sa mo-conduct sa survey ug depende kon independent o commissioned ba ang survey.

Anyway, niadtong mga panahona, mituo kita sa survey. Apan, karon, mora mag di na ta motuo sa survey. Ang Palasyo, sa ilang pagpanalipod ni Gloria batok sa tanang mga survey nga nagpakita sa nagka-uk-ok niyang popularity moingon nga ang pagka-Presidente kono, dili popularity contest, ug ang mga survey dili makahatag og trabaho, dili makapauswag sa kinabuhi sa tawo, etc, etc.

Tinuod, ang mga survey dili makahatag og solusyon sa atong mga suliran karon. Ug dili sa tanang higayon nga ma-popular ang desisyon ug mga lakang sa usa ka Presidente, bisan unsa kini ka husto ug tarong.

Apan, sa laing bahin, maayo sad tingaling paminawon ang mga resulta sa survey. Kay tingali nyag tinuod. Kay kon tinuod, lisud ang pag-govern sa mga tawo nga waa nay pagsalig kanato.

Di maayo nga i-dismiss lang ni dayon as tsismis o hearsay, o dili representative sa sentimento sa tibuok nasud. Maayo tingali nga manamin ta kay tingali unyag tinuod nga waa na ganahi kanato ang lungsod. Di ba, Dro?