Tungod sa kuryosidad

Kon ikaw pahibaloon nga nakadaog ka og dako kaayong kantidad sa kuwarta bisan wala ka moapil sa bisan unsang promo, tingali mahingangha ka. Apan tungod sa kahinangop dili ka na lang mangutikuti kon nganong nakadaog ka. Pero posible sab nga tungod sa kuryosidad sa imong pagdaog, mabiktima ka sa ilad. Basaha kining kasinatian sa usa ka texter aron ka ma-aware bahin niini.

Matud pa sa atong texter nga tag-iya sa cellphone number 0918-4607330: "Good day. Nakabasa ko sa July 5 issue ninyo about text scam. Ako lang ipaambit ang akong experience about a text from Philippine Charity Foundation. Last February dihay ni-text nako from a certain Marites Ayala of Philippine Charity Foundation, tellimg me that I won P950,000.00 and to claim it, I will have to send my complete name, address ug patawagon ko niya.

"So gitawagan dayon nako siya. I was so curious kon ngano man nga nidaog ko. Ingon siya nga every year kuno mag-draw ang NTC og mga cellphone numbers. Ang akoa nga number kuno ang second prize winner. Naa kunoy duha ka paagi pagkuha sa kuwarta. It's either personal or bank to bank. Akong giingnan nga moadto ko sa ilang office. Mao to nga gihatagan ko niya og address: Harrison Plaza, Central Bank, Malate City. Ang requirements: birth certificate, cedula ug police clearance.

"I really thought it was real. That day, nikuha dayon ko og ticket sa eroplano flight to Manila. Three hours before my flight I called my husband nga nagtrabaho sa Quezon City aron makigkita siya kang Marites sa Malate. Natagbaw ang akong bana og pangita sa address, wala gayod makit-i.

"Usa ka oras before my flight, gitawagan ko ni Marites nga before mi magkita, mag-send una kuno ko og unom ka prepaid cards worth P300 each. Dihadiha nakahunahuna ko nga pangilad lang diay to. Gidad-an pa sa akong bana og SWAT Team and Central Bank aron lang mogawas si Marites. But there's no Marites Ayala nga empleyado didto.

"Maong ako ning gi-share aron awhagon ang tanan nga think 100 times before ka mohimog action kay daghang mangingilad karon," nagkanayon ang atong texter sa iyang text nga gipadala niadtong Hulyo 5, 2005 (11:44:50).

Daghang salamat sa imong pagpaambit sa imong kasinatian. Klarong pangilad ang gihimo niadtong nag-text kanimo. Maayo gani kay dili kaayo dako ang perdisyon nga nahimo tungod kay nakamatngon ka man sa wala ka pa mahinayak. Bisan pa man, matawag ka nang nabiktima kay nakalukat ka na god og tiket sa eroplano.

Mao nga pagbantay gayod kamo niini. Ang Modus wala magkulang sa paghatag kaninyo og mga pahimatngon.

* * *

(Sumbong ug reklamo? Text sa 0910-8105522. E-mail: [email protected].)