EDITORYAL - Center of attraction

Usa ka center of attraction atol sa televised State of the Nation Address (SONA) ni Presidente Arroyo, gawas ni Mrs. Arroyo, mao si Senate President Franklin Drilon kinsa naglingkod sa tuo ni House Speaker Jose de Venecia.

Nakamatikod ang kadaghanan nga masulob-on kaayo ang dagway ni Drilon. Wala gayud kini mopakitag bisan gamay nalang -- bisan komplimento na lang -- nga pag-apresyar sa mga gipanulti sa Presidente.

Sulod sa 22 ka minutos nga SONA, ang Presidente nakadawat og 34 ka pamakpak uban niini standing ovation. Apan bisan makausa lang wala gayud makita si Drilon nga nipakpak. Sa ato pa wala gyud siyay nagustohan sa mga puntos nga gipadayag sa Presidente.

"Ayg basula si Drilon," matud pa sa usa ka oposisyon lider. "Nagtuman ra siya sa iyang papel isip sakop sa oposisyon."

Ana ba gyud diay na kon naa tas pikas kampo? Magpakabuta bungol nalang ug oponihan na lang ang tanan apil na ang mga maayong punto alang sa katawhan?

Aw, basta kay daghan gyud ang nahimuot sa dagway ni Franklin atol sa SONA.