Salary delayed, salary denied

NAG-IIYAKAN sa mga kuwago ng ORA MISMO ang mga security guards ng Lanting Security Agency na nakatalaga sa NAIA Terminal 1 at 2 kasi dehins na sila sumusuweldo.

Si MIAA General Manager Al Cusi ang itinuturong dahilan kung bakit dehins sila sumusuweldo. Tiyak papalag si Al sa isyung ito kung malalaman niyang ginamit siyang panakip-butas ng pamunuan ng Lanting. Lagot ka, nympho este mali Nympha pala.

Maliit lang naman ang pinag-uusapang pitsa regarding salary ng mga guards. P5,460,720 lang naman kada a kinse ng bawat month. Puwera pa dito ang usapin ng abuloy system, nagtataka ang mga guwardiya kung bakit halos buwan-buwan ay nababawasan ang kanilang sahod. Ika nga, may cut from the office.

Hindi rin birong pitsa ang pinag-uusapan sa abuloy system dahil mahigit sa 700 security guards ang kinakaltasan daw tuwing suweldo. Para raw sa nadedbol nilang kakosa!

Ang pinagtataka naman ng mga guwardiya ay dehins nila nakikilala o nalalaman ang nadedbol nilang kakosa kaya pumapalag sila sa kaltasan blues.

Mayroon daw kasing matagal ng nakausap si San Pedro pero nakikita pa rin nila ang pangalan sa listahan ng abuluyan system. Totoo kaya ito nympho este mali Nympha pala?

Hindi biro ang halaga ng pagkain sa airport kahit na mga anak mayaman ay umaangal sa mahal ng pagkain todits. Ang softdrinks lang ay nabibili sa halagang P25 per can. Ang maliit na mineral water ay nabibili ng P20 kaya isipin na lang kung magkano ang ulam at kanin todits. May mga guards nga nakikita ang mga kuwago ng ORA MISMO, na mukhang malnourished na at ang iba ay dehins na maka-upo sa gutom dahil alaws pitsa sa bulsa? Sabi nga, magko-collapse na. He-he-he!

Baka magkaroon ng ratratan todits regarding terrorist and them ay dehins na makakalabit ito ng gatilyo at sila pa ang mapalo sa ulo ng kanilang hawak na mga batuta. Hirap na kasi silang sumilbato dahil walang hangin sa bodega kasi gutom.