Panglingla sa mga walhon, kinahanglan bantayan

Mao kini ang pahimangno sa New Guardians for Freedom & Democracy, Inc.(NGI) ug sa Alliance for Nationalism & Democracy (ANAD Partylist), nga niining krisis nga ato karong giatubang, maoy gikinahanglan ang pagmatngon - vigilance, aron kapanalipdan ang demokrasya nga buot pukanon sa pipila ka pundok nga habig sa Komunismo.

Sa ilang joint statement ug manifesto, sila si Boy Odilao, national chairman sa NGI ug Jun Alcover, first nominee sa ANAD, mipasidaan nga ang tumong ug ultimate goal sa mga Maoist communist terrorists, mao ang pag-dismantle sa demokrasya, pag-ilog sa gahum, ug pagpabarog sa usa ka rehimen sa Communist dictatorship, pinaagi sa paggamit sa gitawag nga mga cause-oriented groups, sama sa Bayan Muna, GABRIELA, Anak-Pawis, Anak-Bayan Suara Bangsa Moro, ug uban pang mga grupo.

Matud pa, "their cause is communism, to create anarchy and chaos in the streets - mouthing democracy which in reality they want to destroy."

Ilang gikutlo si Lenin sa iyang pag-ingon: "Use democracy to destroy democracy; join the government to destroy the government."

Maoy ilang tuyo ang pag-establish og usa ka revolutionary council, usa ka coalition government. Dinhi ang ilang manipulation. Ug sa higayon nga sila magmalampuson, ilang paphaon ang coalition ug sila na ang modumala sa panggobiyerno. Ang kasaysayan sa Russia ug China nagmatuod niini.

"It is not only by force of arms that the Communists bring a country down but also by manipulating public opinion to their advantage," nagkanayon sila si Odilao ug Alcover sa ilang pahimangno.