Sa anti-Arroyo rali nga gipahigayon diha atubangan sa Adwana, nga mao na karon ang gitawag nga Malacañang sa Sugbo, niadtong miaging Miyerkules adunay pipila ka mga bata ang nangaangol atol sa paglamoklamok sa mga militanteng raliyista.
Ang maong mga bata, suma pa sa impormasyon nga atong nadawat, gidala sa ilang mga ginikanan nga nangapil sa rali batok kang Presidente Arroyo kinsa ilang gustong palagputon sa Palasyo.
Kining mga bata intawon way kalibutan sa kawsa nga gipakig-awayan sa mga tigulang. Gamiton ra sila isip "props" diin ang tumong mao ang pagdani sa simpatiya sa mga nanan-aw sa rali.
Husto si Sir Gayotin nga ang maong buhat sa mga organizer sa rali usa ka pagbali sa lagda sa balaod nga miprotiher sa kabataan.