Nganong gipalarga man si Mike?

Mao ni ang pangutana karon sa lungsod. Lainlain ang tubag. Segun sa political leaning sa motubag. Kon Gloria ally ang motubag, sama nila ni Tomas, Gwen, ug tanang Cebu Congressmen (gawas ni Clavel), moingon sila nga: aron makapadayon si Gloria sa iyang mga reforms, nga dili maduhig ang presidency sa mga kontrobersiya nga naglambigit sa ngalan ni Mike ug sa ubang sakop sa first family.

Nindot. Sa ato pa, kon nagduda ang lungsod kang Mike, nga siya nakamansa sa ngalan ni Gloria isip pangulo sa nasud, it is but proper that he disappears. And disappear he did.

Ang oposisyon, on the other hand, nangutana: Karon nga waa na si Mike, unsa man, limpiyo na ang administrasyon ni Gloria? Nganong gipalarga man siya? Unsa man diay ang iyang saa? Unsa man diay ang iyang nahimo?

Kon dunay nahimong dautan, nganong di man patubagon, if only to clear his name? Morag unfair ni alang kang Mike. He has to clear his name. Mora nig gisilotan siya, gi-exile, bisan kon waa ma-convicted.

Miingon sila nga kon si Mike problema, at least karon, minus one big problem na si Gloria. Ug makaayo kini sa iyang pagpadagan sa panggobiyerno. Makapadayon na siya, sa walay paghunahuna sa iyang pamilya, sa mga reforms nga maoy gikinahanglan karon sa atong nasud.

Gitay-ug na usab ang atong nasud. Nagkatibulaag na usab kita. Maoy atong panghinaut nga maunsa man, di lang ta magpinusilay. Atong sulbahon kining suliran nga ato karong giatubang, sa labing malinawon nga paagi. Ug di ta magminaut. Di ta mangugat pagpanalipod sa mga kasal-anan nga atong nahimo. Di ba, Dro?